imen gzera
شؤون سياسية

ايمان قزارة :”الاقامة الجبرية ما جات شي قدام العزيز الغالي الي شويتونا عليه…الاقامة الجبرية ما جات شي قدام الدم “

اثار ملف وضع القيادي البارز بحركة النهضة نور الدين البحيري قيد الإقامة الجبرية جدلا واسعا ، وبعد 4 أيام من  المد والجزر خرج وزير الداخلية توفيق شرف الدين ليلة البارحة في ندوة صحفية لطلاع الراي العام على تفاصيل الملف التي قال انها تكتسي صبغة إرهابية وان البحيري متهم بتسليم جوازات سفر وبطاقات تعريف وجنسيات لشخصيات فهم من  شرف الدين انهم  مصنفين ارهابيين وخطرا على الامن القومي التونسي .

تصريح وزير الداخلية شرف الدين أعاد الى الواجهة فتح ملف الإرهاب وشبكات التسفير والتستر على الإرهاب والمشاركة فيها ، علما ان حركة النهضة المتهم رقم 1 في قضية اغتيال الشهيدين  شكري بلعيد ومحمد البراهمي ، والاتهامات جاءتها من هيئة الدفاع عن الشهيدين التي استبسلت ليلة البارحة في منع رئيس حركة النهضة راشد الغنوشي من الالتحاق بدار المحامي لمساندة سعيدة العكرمي المحامية وزوجة نورالدين البحيري المعتصمة بدار المحامي .

أعضاء هيئة الدفاع عن الشهيدين اكدوا في  فيديوهات  تم بثها على صفحاتهم الرسمية انهم لين يتوانوا في منع الغنوشي من دخول دار المحامي متهمين إياه بالضلوع في  ملفات الإرهاب والمسؤولية عن الجهاز السري لحركة النهضة المسؤول عن اغتيال الشهيدين .

ايمان  قزارة احدى أعضاء هيئة الدفاع عن الشهيدين  كتبت  منذ يومين  تدوينة حول الإقامة الجبرية اكدت فيها ان الإقامة الجبرية لا تساوي شيء امام دماء الشهيدين

وفي ما يلي نص التدوينة:

الاقامة الجبرية ما جات شي قدام العزيز الغالي الي شويتونا عليه.

 الإقامة الجبرية ما جات شي قدام الي عاشتو هيءة الدفاع قداش من عام وما جات شي قدام الأشهر الي عداتهم بين العوينة والقرجاني يسمعوا فيهم في ملف الجهاز السري من التسعة للسبعة يوميا من ديسمبر حتى جويلية في بيرو ميترو نص في البرد على امل انهم يفدوا.

الإقامة الجبرية ما جات شي قدام التعب النفسي الي عاشتو هيءة الدفاع وقت انت تنسق مع العكرمي والعقل الاجراءي متاعكم باش ما يتحلش تحقيق وباش تعملو الحيل الاجراءية الكل باش مايتحالش الغنوشي وباش ما تتحفظش التهمة في حقو وما تقومش الهيءة على المسؤولية الخاصة ضده.

الإقامة الجبرية ما جات شي قدام التعب والضغط والملفات المخبية والمؤيدات المسروقة من الملفات ومن خزينة المحكمة وخرق القانون والتدليس.

الإقامة الجبرية ما جات شي قدام انو كل جزئية في الملف تحارب عليها هيءة الدفاع وتمشي بيها للتعقيب وتقعد سنين  باش يتم انصافها ويرجع الملف من الاول ومايتمش تنفيذ طلبات محكمة التعقيب .

الإقامة الجبرية ما جات شي قدام أشخاص خسرت صحتها و قوتها و سكرت بيرواتها ولا عاد تعرف عيد ولا مناسبة ولا خلاعة ولا بحورات وانت تخرج تقول منين يجيبو في فلوس فوتوكوبي.

 الإقامة الجبرية ماجات شي قدام الاعتداء على المحامين واعضاء هيءة الدفاع عن الشهيدين  وقت الي العكرمي جاب الأمن للمحكمة  وتصريحك في الليل في التلفزة انو العكرمي يطبق في القانون وانك متضامن معاه.

الإقامة الجبرية ما جات شي قدام الدم

الإقامة الجبرية ما جات شي قدام……….

يا رب تتحل ملفاتكم الكل وتتحاسبوا .لا سماح لا دنيا لا اخرة

Leave a Comment

لن يتم نشر عنوان بريدك الإلكتروني. الحقول الإلزامية مشار إليها بـ *

*